Psa 47 | NdeBEN | STEP | Kumqondisi wokuhlabela. ElamaDodana kaKhora. Ihubo. Qakezani izandla zenu, zizwe zonke; hlokomani kuNkulunkulu ngomsindo wokuthokoza.

Psalms 47

Kumqondisi wokuhlabela. ElamaDodana kaKhora. Ihubo.

1 Qakezani izandla zenu, zizwe zonke;
hlokomani kuNkulunkulu ngomsindo wokuthokoza.

2 Wesabeka kangakanani uThixo oPhezukonke,
iNkosi enkulu kuwo wonke umhlaba!
3 Wazehlula zonke izizwe zaba ngaphansi kwethu,
abantu babangaphansi kwezinyawo zethu.
4 Wasikhethela ilifa lethu,
igugu likaJakhobe amthandayo.

5 UNkulunkulu usekhuphukile phakathi komsindo wentokozo,
uThixo uphakathi kokukhala kwamacilongo.
6 Hlabelelani indumiso kuNkulunkulu, hlabelelani indumiso;
hlabelelani indumiso eNkosini yethu, hlabelelani indumiso.
7 Ngoba uNkulunkulu uyiNkosi yomhlaba wonke;
hlabelelani kuye ihubo lokudumisa.

8 UNkulunkulu uyazibusa izizwe;
uNkulunkulu uhlezi esihlalweni sakhe sobukhosi esingcwele.
9 Izikhulu zezizwe ziyaqoqana
njengabantu bakaNkulunkulu ka-Abhrahama,
ngoba amakhosi omhlaba angakaNkulunkulu;
uphakeme kakhulukazi.